На платото пред Филозофскиот факултет во Белград било пронајдено тело на девојка на возраст од околу 25 години, а според првичните информации, претходно на петтиот кат од факултетот дошло до активирање и палење пиротехника, по што, според  сомневањата, девојката скокнала низ прозорец, објави „Данас“.

Началникот на Полициската станица Стари Град, Раденко Ресановиќ, истакна дека за настанот е известено надлежното обвинителство, кое наложило увид. Тој изјави дека полицајците ја добиле пријавата синоќа во 22:40 часот, по што веднаш излегле на местото на настанот, каде што ја затекнале девојката без знаци на живот, се додава во соопштението.

— Увидните екипи се на местото на настанот, во тек е фиксирање и документирање на сите траги, како и собирање изјави од очевидци — рече Ресановиќ и додаде дека пиротехничките средства што биле активирани, по извесно време биле изгаснати од вработените на факултетот, а засега не е познато како биле внесени во објектот.

 

View this post on Instagram

 

A post shared by 192.RS (@192_rs)

Ресановиќ посочи дека секоја неправилна употреба на пиротехнички средства, кои можат да ги загрозат животите на луѓето и да доведат до тешки последици, е за секаква осуда, се наведува во соопштението.

Покрај редовната полициска истрага, во случајот се вклучија и Управата на криминалистичката полиција и Вишото јавно обвинителство во Белград, кое бара да се утврдат сите околности, но и евентуална одговорност или пропусти на факултетот. Паралелно, Народниот правобранител Зоран Пашалиќ отвори постапка за да провери дали биле испочитувани законските процедури и дали безбедноста во просториите на факултетот била соодветно обезбедена, при што од управата на факултетот е побарана и целата релевантна документација за настанот.

Филозофскиот факултет во Белград ја прекина наставата по трагедијата, а српските власти во меѓувреме отворија поширока истрага за случајот.

Згасна животот на девојката од Шпанија која се избори за право на евтаназија