Двете бројки на дресот вообичаено се наменети за фудбалери кои имаат големи шанси да остварат неизбришлива трага во историјата на екипите и еден клуб во целост го почитува тоа непишано правило.

Барселона е една од екипите каде „десетката“ се уште е светост и е наменета само за најдобрите, моментно неа ја „должи“ еден од најдобрите фудбалери во историјата, Лионел Меси.

Ова се најпознатите фудбалери во историјата на каталонскиот клуб кој го носеле овој магичен број и одбележале одреден период во Барселона.

Лионел Меси

Аргентинецот е актуелен сопственик на дресот со број 10 во Барселона. Станува збор за еден од најдобрите играчи во историјата на фудбалот. Меси целата кариера е дел од Барселона, а неговите квалитети најдобро ги отсликуваат зборовите на Пеп Гвардиола „Меси не треба да го опишување, него треба само да го гледате“.

Роналдињо

Втората најпозната „десетка“ во поновата историја на Барселона е бразилскиот волшебник со топката, Роналдињо.
Роналдињо е вториот играч на Барселона по Диего Марадона кој кога постигнал гол на „Сантијаго Бернабеу“ теренот на најголемиот ривал Реал Мадрид, предизвика овации кај навивачите. Меси ја наследи „десетката“ токму од Роналдињо.

Ривалдо

Претходник на Роналдињо во Барселона со магичниот дрес беше неговиот сонародник и соиграч од репрезентацијата, Ривалдо.
Ривалдо во 1997 година пристигна во Барселона и веднаш и помогна на екипата да освои две титули, а интерсно е што во првите три сезони Бразилецот играше со бројот 11.

Диего Марадона

Марадона најдобрите моменти во кариерата ги доживеа во дресот на Наполи и на аргентинската репрезентација. Но пред да блесне се сиот сјај во Наполи, Марадона играше во Барселона. На „Камп Ноу“ пристигна 1982 година за тогаш рекордни пет милиони фунти. Токму Марадона е првиот играч на Барселона кој ги натера навивачите на Реал Мадрид да му аплаудираат на играч од најомразениот ривал.

Ромарио

Легендата на каталонскиот клуб, Јохан Кројф, во една прилика изјави дека Ромарио е најталентираниот играч кој го тренирал. Беше вистински уметник со топката и во трите сезони во Барселона одигра 46 натпревари на кои постигна дури 34 гола.

Ласло Кубала

Camp Nou was a part of sporting and social recovery coinciding with the arrival of hugely influential Laszlo Kubala pic.twitter.com/GCaQzu6XSs

— La Senyera (@LaSenyera) November 29, 2017

Унгарскиот фудбалер е првата вистинска легенда на Барселона, а за тоа што значеше за тимот, најдобро зборува неговата статуа која се наоѓа пред „Камп Ноу“. Барселона токму поради Кубала одлучи да го изгради „Камп Ноу“, за да можат 100.000 навивачи да уживаат во мајсториите на Кубала кој имаше се – брзина, сила, техника, контрола и харизма и за него велеа дека е фудбалер пред своето време.

Луис Суарез

#LuisSuárez is the only player born in #Spain who won the Golden Ball (1960). pic.twitter.com/uX2IHIr4tw

— OldFootballPhotos (@OldFootball11) October 23, 2017

Моментно член на Барселона е Уругваецот Луис Суарез но за старите навивачи Суарез од 1960-тите години е една од најголемите легенди на клубот. Суарез беше одличен фудбалер кој им донесе големи радости на навивачите во Каталонија кои се противеа на режимот на диктаторот Франко.

Еваристо

55 years ago today Evaristo scored to knock Real Madrid out of the European Cup pic.twitter.com/9QwnMBizwM

— FC Barcelona (from ?) (@FCBarcelona) November 23, 2015

Еваристо е еден од првите бразилски фудбалери кои го облекле дресот на Барселона. Бразилецот во каталонскиот тим настапуваше од 1957 до 1962 година и во три од петте сезони беше најефикасен играч на Барселона.