Дербито меѓу Работнички и МЗТ Скопје сепак нема да се игра во „Градски парк“
Најголемото македонско кошаркарско дерби меѓу Работнички и МЗТ Скопје ќе се одигра во недела од 18 часот во „Кале“, иако најавите беа дека новата, реновирана сала „Градски парк“ ќе биде „сефтосана“ токму за првото дерби оваа сезона во кошаркарската Суперлига.
Препорачано
Во предиозборните ветувања, градоначалникот Горан Герасимовски, кој е еден од најзаслужните што конечно, Работнички ќе добие реновирана сала, најавуваше дека храмот на „црвено-белите“ ќе биде отворен токму за дуелот со МЗТ Скопје. Сепак подот уште не е завршен и недостасуваат некои ситни детали за да конечно „Градски парк“ профункционира и ги отвори вратите за спортистите и љубителите на кошарката.
Работнички во моментов е на петтото место на табелата со пет победи и четири загубени натпревари, додека МЗТ Скопје е прв со осум победи и еден службено загубен натпревар.
Преземено од: Sport.com.mk
