Во поречкото село Самоков денес официјално започнува 47-то издание на турнирот во мал фудбал „Илинден Самоков 78“, еден од најпрепознатливите спортски настани во Поречието. Спортскиот дух, страста за игра и традицијата повторно се враќаат на спортското игралиште во селото Самоков, каде што екипи од ширум земјава ќе се борат за престижната титула и значајниот награден фонд.

Оваа година, турнирот го привлекува вниманието со главната парична награда од 100.000 денари за победничката екипа, 40.000 денари за второпласираната, и 10.000 денари за екипата која ќе го освои бронзениот медал односно третото место.

Организаторите најавуваат возбудливи натпревари, фер и коректна игра, како и богата спортска атмосфера што ќе го обележи овој фудбалски настан. Турнирот ќе трае до недела кога се закажани и финалните натпревари.