Дејвид Гета повторно ќе стане татко!

На доделувањето на Латинските Греми награди во четвртокот вечерта, диџејот (56) прошета на црвениот тепих со неговата 25 години помлада девојка Џесика Ледон, каде парот откри дека го чека своето прво заедничко дете, пишува „Пипл“.

Позирајќи со раката околу својата девојка, музичарот се насмевна пред камерите, додека неговата девојка ги стави рацете околу својот труднички стомак.

Гета ја сподели веста и на својот инстаграм профил, објавувајќи фотографија од двајцата на црвениот тепих.

„Имаме големи вести за вас!!! Најважното издание на годината 😂😂😂“, напиша тој во својот опис.

Делот за коментари беше исполнет со честитки од неговите фанови, пријатели музичари.

Гета веќе е татко на синот Тим Елвис (19) и ќерката Енџи (16), која ја дели со својата поранешна сопруга Кети Лобе.