Давид Торевски го освои 70 место на Зимските младински олимписки игри во Јужна Кореја
Во денешната трка на 7,5км Класик македонскиот натпреварувач Давид Торевски од 78 учесници во трката заврши на 70 место со време од 25:58.2.
Торевски имаше заостанување од шест минути и 11 секунди зад победникот Јакоб Елиас Мох од Германија со време 19:47.2
На подиумот се најде уште еден Германец, Јонас Милер, а на третата позиција се најде Квентин Леспин од Франција. Сите резултати ТУКА
Нашата натпреварувачка Матеа Трајковска во истата дисциплина не стартуваше. Така, завршија настапите на сите македонски спортисти на овие Младински Олимписки Игри во Гангвон, Јужна Кореја.
Претходно учествуваше и Благојче Најденоски кој на трката спринт на 7,5 км од 97 спортисти на старт, заврши на 83 место, додека во женскиот спринт на 6 км Андријана Кајевска од 98 спортисти се најде на 97 позиција.