Данска третпат по ред е светски шампион во ракомет
Ракометарите на Данска ја одбранија титулата светски шампион, откако во финалето на Светското првенство во Полска и Шведска ја совладаа Франција со 34:29 (16:15). Овој меч за златниот медал го судеа Ѓорѓи Начевски и Славе Николов од Македонија.
Данска е најголемата ракометна сила во светот и тоа повторно го докажаа. По трет пат во историјата стана светски првак.
Данците беа фаворити и ја оправдаа таа улога. Одлично го отворија натпреварот, водеа со 4:1, 7:3, па 10:6, постојано имаа четири гола предност, а водеа и со пет позитива.
The 2023 world champions: 🇩🇰 Denmark#POLSWE2023 #sticktogether pic.twitter.com/7mekPF5PtP
— International Handball Federation (@ihf_info) January 29, 2023
Французите играа поцврсто во одбраната, се вратија резултатски на крајот од првото полувреме за неизвесност на натпреварот. На паузата заминаа само со еден гол заостанување со надеж дека ќе се борат со Данците во следните половина час.
Успеаја да израмнат, се играше гол за гол, но Данците секогаш беа чекор понапред, стекнуваа предност од два гола, а кога во последните 10 минути влегоа со три позитува, јасно беше дека Франција тешко ќе се врати во мечот.
The first ever three-peat at the IHF Men's World Championship 🇩🇰 Denmark defend the world title AGAIN 🏆#POLSWE2023 #sticktogether pic.twitter.com/lSItXEkO9F
— International Handball Federation (@ihf_info) January 29, 2023
Ја одржаа предноста и на крајот ја одбранија титулата светски шампион. Во победничките редови Лауге доминираше со 10 голови, Питлик со девет и Гидсел со шест гола. Во поразената селекција се истакнаа Ремили со шест и Мем со пет погодоци.
Претходно во борбата за бронзата репрезентацијата на Шпанија успеа да ја совлада Шведска со 39:36.
