Д-р Софијанова и д-р Васев поднесоа оставки од директорските позиции на клиниките
Денеска по барање на Министерот за здравство, до Министерството се поднесени оставки од двајца директори на универзитетски клиники, информираат од МЗ.
-Станува збор за директорката на Универзитетска клиника за детски болести, проф. д-р Аспазија Софијанова и директорот на Универзитетска клиника за радиотерапија и онкологија, д-р Никола Васев. Согласно законските процедури, по назначување нови директори на овие клиники од страна на Министерот, јавноста навремено ќе биде информирана, велат од министерството.
Неодамна ТВ Клан за д-р Софијанова тврдеше дека земала плата од 5.000 евра, при што надоместокот за дежурства бил повисок од директорската плата на докторката.
Премиерот Димитар Ковачевски тогаш изјави дека доколку во конкретниот случај има прекршување на работните процедури и на овластувањата, веднаш треба да се постави нов директор на Детската клиника.
Д-р Софијанова и д-р Васев поднесоа оставки од директорските позиции на Клиниките