Цивилната одбрана во Појасот Газа денес објави дека 15 лица се убиени во израелски напади, додека Израел и Хамас се обвинуваат меѓусебно за кршење на примирјето. Ал-Заваида, во централниот дел, и Кан Јунис, на југ, беа нападнати.

Израелската војска изјави за АФП дека ги проверува тврдењата и утрово објави дека извршила воздушни напади на југот од палестинската територија, велејќи дека тие биле одговор на нападите на Хамас врз нивните позиции, што движењето го негираше. Потоа објави за понатамошни напади во областа, велејќи дека тие биле одговор на „флагрантните прекршувања на договорот за прекин на огнот порано денес“.

Со оглед на ограничувањата за медиумските работници во Газа и неможноста за пристап до теренот, АФП не е во можност независно да ги потврди извештаите од различни страни.