Циципас со скандалозна изјава поради паузите за тоалет

Стефанос Циципас стигна само до третата рунда на „УС Опен“/Њујорк, САД/3 септември 2021/Фото: EPA-EFE/JUSTIN LANE

Многу бура предизвикуваа паузите на грчкиот тенисер Стефанос Циципас до тоалетот за време на турнирите годинава.

Циципас беше јавно критикуван, а публиката се жалеше секој пат кога остануваше малку подолго за време на паузата помеѓу сетовите.

Гркот веќе неколку пати зборуваше за ваквите ситуации, истакна дека не мами и дека прави прави ништо што е спротивно на фер-плеј, но тој и натаму е актуелна тема во странските медиуми.

– Откако го добив сетот со 6:0, направив пауза за тоалет. Мислам дека тоа не беше многу добро за мене. Но, јас го направив тоа и немам злонамерна намера. Јас сум човек на кој му треба малку време. Но, повторно, не толку како жените – рече Циципас.

Тој го коментираше и стилот на игра што го наметна Данил Медведев, кој одигра перфектен турнир и на крајот ја освои титулата на „УС Опен“.

– Медведев е многу константен, тој е тежок ривал. Ме изненадува што успева да постигне такви резултати играјќи во овој стил. Не би рекол дека е досаден, само дека е еднодимензионален – додава Циципас.

Инаку, АТП посочи дека ќе ги заостри правилата за лекарска пауза, и многу е веројатно дека играчите ќе имаат многу помалку време за маневрирање.

Видео на денот