Екипата на Челси одлучи да стави крај на соработката со поранешниот англиски репрезентативец Рахим Стерлинг, кој беше најплатениот фудбалер во редовите на лондонскиот клуб.

Иако инкасираше околу 325.000 фунти неделно, Стерлинг не успеа да се избори за поголема минутажа, најпрво кај тренерот Енцо Мареска, а ниту сега кај Лијам Росениор. Тоа беше доволна причина раководството на „сините“ да донесе одлука за прекин на договорот.

Искусниот офанзивец пристигна на „Стемфорд Бриџ“ во 2022 година како големо засилување од Манчестер сити, но по три и пол сезони во Челси, повторно ќе биде во потрага по нова средина и нов предизвик во кариерата.