Хакан Чалханоглу изјави дека не му се допаѓа однесувањето на ѕвездата на Милан надвор од теренот.

Чалханоглу минатата сезона се пресели од Милан во Интер, а сега се осмели да го критикува Златан Ибрахимовиќ.

– Златан сака само да привлекува внимание. Не направи ништо оваа година, не придонесе за тимот. Воопшто не играше. Но, прави сè за да го привлече вниманието на навивачите. Тој така живее. Тој има 40 години. Јас да имав 40, немаше да се однесувам како него – рече играчот од средниот ред на Интер за „Тивибу Спор“.

Ибрахимовиќ оваа сезона одигра 27 натпревари и постигна осум гола. Вториот дел од сезоната го помина опоравувајќи се од операцијата на коленото.

Чалханоглу беше член на Милан минатата сезона кога Интер ја освои титулата, а сега откако го смени клубот Милан стана шампион. За време на прославата на титулата, Ибра и навивачите пееја песни во кои го навредуваа Чалханоглу, што веројатно беше поттик за ваквата реакција.