Водеше Чаир 2030 во најголем дел до мечот, кумановци стигнаа до егал-резултат, но пресуди тројката на Тачи во финалната минута, за конечни 76:71 во 12 коло од најдобрата македонска кошаркарска лига.

Гостите од Чаир ја добија првата четвртина со солидна предност од 21:13 и ја чуваа низ целиот тек на натпреварот во спортската сала во Куманово. На полувремето имаа слично водство (46:40), а водеа и по три одиграни четвртини (61:54). Водеа и со 70:63, по 35 минути игра.

Подзастанаа во последните пет минути, макар и за момент, во кои МКК Куманово дојде на само еден посед негатива (68:70), а до крајот останаа да се доиграат 1:22 минути.

Финиш во кој Стевановиќ ја продолжи серијата на поени за домашниот тим од 8:0, донесе изедначување (70:70), и само 52 секунди за конечна разрешница кој ќе биде конечниот победник на овој и тоа како возбудлив меч.

Моментот на одлука го „режираше“ Тачи, кој погоди тројка, за ново водство на гостинската екипа (73:70). Имаа кумановци уште 44 секунди за да го вратат резултатскиот егал. Но Стевановиќ е успеа во тоа, а Николиќ направи лична грешка по која Реџа покачи на „плус четири“ (74:70), а Четмен, од истата позиција, по неуспешните обиди за три поени, на кумановци ја потврди големата победа на Чаир 2030.

Кај победниците Стурдивант запиша 20.поени, а за домашната екипа, која го запиша петтиот пораз во 12 одиграни мечеви, Луковиќ реализираше 23 поени.

„МТЕЛ“ СУПЕР ЛИГА-МАЖИ

РЕЗУЛТАТИ 12. КОЛО

МКК Куманово – Чаир 2030 71:76

ТФТ – Кожув 96:83

Пелистер – Работнички 88:85

Маџари – МЗТ Скопје Аеродром 76:87

Ангели – Феникс 2010 60:99

Тиквеш Голден Игл – Гостивар 81:73

ТАБЕЛА

1. ТФТ 12 11 1 990:848 23

2. МЗТ Скопје А. 12 11 1 909:772 22

3. Пелистер 12 8 4 1095:954 20

4. МКК Куманово 12 7 5 996:933 19

5. Кожув 12 7 5 978:976 19

6. Маџари 12 6 6 978:963 18

7. Работнички 12 5 7 983:991 17

8. Феникс 2010 12 5 7 918:928 17

9. Чаир 2030 12 5 7 946:1002 17

10. Тиквеш ГИ 12 4 8 948:986 16

11. Гостивар 12 2 10 859:982 14

12. Ангели 12 1 11 779:1043 13

ИДНО КОЛО

Кожув – Тиквеш Голден Игл

Гостивар – Ангели

Маџари – МКК Куманово

Работнички – ТФТ

Феникс 20110 – МЗТ Скопје Аеродром

Чаир 2030 – Пелистер