Прекин на електричната енергија во регионот кај бунарите на Лепенец бил причина за дефектите на водоводниот систем, соопшти утрово ЈП „Водовод и канализација“.

ВИДЕО | Пукна водоводна цевка во Влае, без вода останаа повеќе делови на Скопје

„Како резултат на прекинот на струја предизвикана е варијација на притисокот на пумпниот систем од бунарите кон градскиот цевковод од каде што се дополнува водоснабдителниот систем. Поради тоа се настанати два дефекта истовремено на главната водоводна линија Ф-600, како и дефект во шахта на Ф-400 на еден од бунарите. Поради овие дефекти, во неколку населени места од градот дојде до прекин на водоснабдувањето, но по брзата реакција на нашите екипи водоснабдувањето постепено се стабилизира со цел да се избегнат нови појави на дефекти и дополнителни оптоварувања на системот“, се наведува во соопштението.

„Слушнавме детонација, земјата се стресе“, сведочат жители на Влае откако пукна голема цевка и го остави половина Скопје без вода