Српската пејачка Светлана Ражнатовиќ – Цеца купила луксузен стан на Копаоник, во кој ќе може да се всели од 1 јануари следната година.

Имено, пејачката често ги поминува зимските денови во оваа туристичка дестинација, но досега тоа беше или поради одмор или поради работни обврски, односно настапи.

Таа претходно престојуваше во луксузни хотели и апартмани на Копаоник, а за да има целосен комфор – Цеца решила да купи недвижен имот во близина на најпопуларниот скијачки центар во регионот, пишува „Блиц“.

Цеца одамна планирала да си купи стан на Копаоник, за себе и за своите најблиски, а пред нејзиниот настап на 1 јануари следната година ќе ужива во топлината на својот нов луксузен стан, кој неодамна го купила.

Инаку, и српскиот тенисер Новаќ Ѓоковиќ порано живеел во истата зграда каде Цеца го купила станот.