Како што е веќе познато, следниот викенд продолжува сезоната во најсилното германско првенство, нема да бидат дозволени прослави на голови со гушкање или ракување, туку само со допирање на лактите или нозете, пренесува „Билд“.

Во упатствата кои се доставени до бундеслигашките клубови се вели дека играчите, колку што е можно, мора да се воздржат од плукање на теренот.

На стадионите ќе бидат забранети маскотите, играчите нема да се ракуваат пред натпреварот, а ќе ги нема и групните фотографии.

Екипите од тунелот или соблекувалните нема истовремено да излегуваат на теренот. Сите кои седат на клупата мора да носат заштитни маски, а помеѓу играчите потребно е барем едно слободно место од аспект на растојанието.

Тренерите ќе можат да ја тргнат маската само кога даваат инструкции до играчите, на оддалеченост од минимум 1,5 метри од своите или противнички играчи.

– Не е изненадувачки што прво продолжува германското првенство. Германците се многу дисциплинирани луѓе кои бараат брзи и ефикасни решенија. Сите ги следат правилата, сè е на распоред, сè е типично германски – рече тренерот на Шалке, Давид Вагнер за британски „Тајмс”.