Македонската таеквондистка Мила Рељиќ освои бронзен медал на отвореното првенство во Турција во натпревар од Г2 ранкингот на светската таеквондо федерација, и воедно запиша нови поени за Олимписката ранкинг листа.

Рељиќ во првото коло беше слободна, поради одличната ранкинг позиција, во второто коло ја победи домашната натпреварувачка Румјеса Мазгал со 2:0 во рунди.

Во борбата за медал нашата натпреварувачка беше подобра од Париза Кучаксареи Жавади (Иран) со 2:1 во рунди (0:0, 1:3, 10:7).

Во полуфиналето поради повторна повреда на ногата која ја стекна и во Полска пред две недели, не успеа да ги одмери силите со Американката Макајла Гринвуд.

Во конкуренција на 29 натпреварувачки во Турција, единствена земја која на последната олимпијада имаше обезбедено А норма во сите женски категорија, ова е значаен успех.