Британските разузнавачи ја проценуваат заканата од тероризмот
Британските власти за денес свикаа состанок на владиниот комитет за итни случаи, наречен КОБРА, на кој се планира да се разговара за безбедносните ризици кои произлегуваат од конфликтот меѓу Израел и Хамас.
По убиствениот напад на Хамас врз Израел на 7 октомври, кој предизвика одмазда во Појасот Газа, во Велика Британија се зголемени случаите на антисемитизам и исламофобија.
Во Лондон и во други градови беа одржани огромни пропалестински протести, додека еврејските групи организираа мирен собир за 239-те израелски заложници кои ги држи радикалната исламистичка сунитска група.
„Треба да бидеме сигурни дека британските системи се безбедни и заштитени од терористичка закана, како што тоа секогаш го прави владата“, изјави секретарот за високо образование Роберт Халфон за Тајмс радио.
Британската разузнавачка агенција МИ5, задолжена за внатрешна безбедност, смета дека заканата од тероризмот во моментов е значајна, што значи дека е веројатен терористички напад или дека може да следи.
Постојат две повисоки категории на ниво на закана: сериозен, што значи дека нападот е многу веројатен, додека критичната закана значи дека нападот е многу веројатен во блиска иднина.