Компаниите во Велика Британија сè повеќе избираат да вработуваат привремени и повремени работници наместо постојан персонал, покажува извештај објавен денес од KPMG и Британската конфедерација за вработување (REC). Анкета спроведена на 400 британски агенции за вработување покажа остар скок во понудата на привремени работни места во мај.

Во исто време е забележан најбрзиот пад на постојаните вработувања во последните десет месеци, објавува Гардијан. Експертите истакнуваат дека политичките турбуленции во Велика Британија, како и тековните конфликти на Блискиот Исток, ги принудија работодавците да бидат повнимателни при вработувањето работници, што укажува на ранливоста на пазарот на трудот.

Од друга страна, брановите отпуштања, намалениот број деловни можности и општата загриженост кај граѓаните за безбедноста на работното место доведоа до огромен скок на бројот на кандидати кои аплицираат за секоја отворена позиција. Најголем пад на постојаното вработување е забележан во малопродажбата, додека единствени сектори со зголемување на побарувачката се здравството и социјалната заштита.

Официјалните бројки покажуваат дека стапката на невработеност во Велика Британија за првиот квартал од 2026 година неочекувано се искачи на пет проценти. Бројот на млади луѓе во Велика Британија кои ниту работат ниту студираат надмина еден милион за прв пат по повеќе од една деценија, покажуваат тековните статистички податоци.

Преполовени огласите за ИТ вработувања