„Brit Awards 2021“: Првото големо шоу пред публика – без дистанца, без заштитни маски

Музичките награди „Brit Awards“ ќе се одржат на 11 мај во лондонската О2 Арена и тоа пред публика. Тоа ќе биде првиот голем музички настан кој е предвидено да се случи во затворен простор по повеќе од една година откако започна пандемијата на коронавирусите.

Организаторите велат дека во арената ќе бидат присутни 4.000 луѓе, а околу 2.500 билети за спектаклот ќе бидат доделени бесплатно на клучни луѓе со цел да ги наградат за нивната неуморна работа за време на пандемијата.

Церемонијата, која ќе се пренесува во живо, ќе ја води Џек Вајтхол, а номинираната Дуа Липа вети дека дефинитивно ќе биде „ноќ за паметење“.

 

View this post on Instagram

 

A post shared by BRITs (@brits)

Овогодинешните награди се внимателно испланирани во соработка со британската влада, која го вклучи настанот како дел од програмата за научно истражување. Секој ќе мора строго да се придржува до здравствените протоколи, а во О2 Арената ќе бидат присутни само 4.000 лица, наместо 20.000 колку што може да собере во салата во нормални услови.

Гостите нема да мора да бидат социјално оддалечени или да носат заштитни маски, но ќе мора да ги следат постојните упатства и да се придржуваат до правилата утврдени од организаторите на настанот. Со негативен ковид тест кој ќе биде е задолжителен за секого, пишува „Daily Mail“.

 

View this post on Instagram

 

A post shared by DUA LIPA (@dualipa)

Како дел од поширокото научно истражување, сите присутни ќе мора да одат на тестирање по доделувањето на наградите за дополнителни докази за безбедноста на одржување настани во затворено без физичко растојание и носење маски.

 

View this post on Instagram

 

A post shared by DUA LIPA (@dualipa)

Ова беше исклучително тешка година за нас и јас сум воодушевен што ќе им оддадеме почит на клучните работници, хероите кои толку добро се погрижија за сите нас, и продолжуваат да го прават тоа. Тие се едноставно инспирација. „Brit Awards“ отсекогаш биле посебни за мене и ова навистина ќе биде ноќ за паметење“, изјави 25-годишната пејачка Дуа Липа, која е номинирана во три категории.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот