Во рамките на 24. коло од Втората македонска фудбалска лига беа одиграни неколку интересни натпревари, а најубедлив беше триумфот на Брегалница, која со високи 6-1 го декласираше Големо Коњари.

Тимот од Штип уште во раната фаза ја реши дилемата околу победникот, постигнувајќи три гола во период од само две минути, стрелци беа Капсаров, Михолов и Калпачки. Голгетерската серија продолжи со погодокот на Мемеди за 4-0, додека во второто полувреме мрежата повторно ја затресоа Михолов и Бојџиев.

Шкендија Арачиново испушти триумф на гостувањето кај Осогово во Кочани, откако домаќините израмнија во самиот финиш за конечни 1-1. Со ист резултат заврши и дуелот меѓу Саса и Охрид во Македонска Каменица, па и двете екипи мораа да се задоволат со по еден бод. Од фаворитите победа забележа уште Скопје кој беше подобар од Новаци со 1-0 на гостински терен.

Табела: Брегалница 55, Охрид 53, Скопје 53, Шкендија А. 53, Беласица 48, Детонит Плачковица 44, Осогово 44…

Останати резултати:

Кожуф – Слога Виница 5-2
Победа – Беласица 0-5
Тетекс – Преспа 2-0
Вардар Неготино – Детонит Плачковица 0-3