Победничката на избор на убавина, Бразилката Мајара Кристина де Лима Фиел починала од срцев удар на 31-годишна возраст, само неколку дена пред да треба да учествува на престижен натпревар. Мисицата била пронајдена без свест во својот дом во саботата околу 23:30 часот, пренесува „Сан“.

Службите за итна помош брзо пристигнале на местото на настанот и се обидувале да ја вратат во живот повеќе од еден час, но за жал без успех. Наводно, таа немала позната историја на здравствени проблеми. По нејзината смрт, останаа нејзиниот сопруг и синот.

Манекенката од Јужен Бразил се подготвувала да учествува на нов натпревар за убавина кон крајот на овој месец.

Бројни почести и изрази на сочувство пристигнале за Мајара, која минатата година ја освоила титулата Мис Лондрина, а била и прва придружничка на изборот Мис Саранди 2025/26.

Витор Тавареш, организатор на натпреварот на кој Мајара требало да учествува, напишал во емотивна објава на социјалните мрежи:

„Таа беше исклучително посветена и предадена млада жена. Имав задоволство лично да ја запознаам кон крајот на минатата година. Од тој момент беше јасно колку сериозно го сфаќа овој сон. Веќе ги имаше подготвено сите комбинации за натпреварот кој требаше да се одржи на 29 април. Вежбаше, го заврши интервјуто, беше возбудена и полна со планови. Само вчера разговаравме и ми ги покажа фустаните, сè што со толку внимание го подготвуваше за да го доживее тој момент.“

Тој изјавил дека сè уште е во шок поради трагичната вест.

„Многу е тешко да се прифати толку рана загуба на некој што беше полн со живот, соништа и цели. Млада жена со толку убава иднина пред себе“, заклучил тој.

Мајара поседувала козметички салон во Саранди и била стручна во областа на естетиката. Нејзините пријатели, семејството и обожавателите напишале трогателни пораки посветени на младата кралица на убавината по веста за нејзината смрт.

Американски пејач е уапсен под сомнение за убиство на тинејџерка која исчезна во 2024 година