Бразил останува фаворит за светската титула според обложувалниците
Следуваат два дена пауза на Светското првенство во Катар, пред возбудувањата да продолжат во петок и сабота со натпреварите од четвртфиналната фаза.
Како што и се предвидуваше и пред почетокот на Мундијалот, воглавно се типуваше на овие селекции кои останаа во игра за светската титула.
На 9 декември Хрватска од 16.00 часот ќе ги одмери силите против Бразил, а истиот ден од 20.00 часот Холандија за противник ја има Аргентина.
На 10 декември од 16.00 часот најголемото изненадување на СП, Мароко ќе се соочи со Португалија, а од 20.00 часот Англија ќе се сретне против актуелниот светски шампион Франција.
Според светските обложувалници и натаму му се даваат најголеми шанси на Бразил да стигне до титулата.
Така размислува и „Скај Бет“ според кој Франција нема да го одбрани тронот, а како третопласирана котира Аргентина.
„Скај Бет“ – Светско првенство Катар 2022
1. Бразил 7/4
2. Франција 4/1
3. Аргентина 6/1
4. Англија 6/1
5. Португалија 6/1
6. Холандија 14/1
7. Хрватска 33/1
8. Мароко 40/1