Во текот на вчерашниот ден Игор Стефановски го освои седмото место, а денеска блесна со првата победа во рамките од италијанскиот ТЦР шампионат во Валелунга.

Македонскот автомобилист го освои првото место на патеката Валелунга со својот „Хјундаи“.

На денешната трка зад Стефановски (како единствен странец) на подиумот се најдоа Италијанците Алесандро Џардели и Џакопо Гвидети, и двајцата со „Хонда“.

Моментно „Летечкиот Македонец“ е на 10 позиција во генералниот пласман со моментно 51 поен, а лидер е Ерик Брилјадори (115), пред Тавано Салваторе (110) и Марко Пелегрини (108).

Наредната трка во рамките од ТЦР Италија е во периодот од 7-8 ноември 2020 година на патеката во Монца.