Во Прифатниот центар за баратели на азил „Порин“ на Божик, пијана 38-годишна Русинка, нападнала чувар со дилдо од 30 сантиметри, а настанот со телефон го снимал 32-годишен барател на азил, објави хрватски „Индекс“.

Сè започнало за време на божикниот ручек, кога В. А. пијана почнала да го нарушува јавниот ред и мир. Гласно викала по чуварите, ги навредувала и им покажувала среден прст. Во еден момент од чантата извадила големо дилдо и со него почнала да го удира чуварот по рацете.

Потоа излегла на паркингот и со нога удирала по еден автомобил, па се вратила на рецепцијата и продолжила да удира по пултот, постојано галамејќи.

Целата сцена со телефон решил да ја сними А. С. Игнорирајќи ги предупредувањата дека снимањето е забрането, ја насочил камерата кон чуварите, ги навредувал и и тој им покажувал среден прст. На крајот чуварите морале да употребат сила за да ги совладаат двајцата.

Трагедија во Охрид: Загина младиот фотограф Кристијан Љушев, паднал во зграда

Додека го чекале доаѓањето на полицијата, Русинката нападнала и една чуварка, на која ѝ ја скинала службената легитимација од вратот и ја фрлила преку оградата на улица.

Двајцата биле уапсени. Пријавени се за прекршување на Законот за прекршоци против јавниот ред и мир и биле изведени пред прекршочен судија.

Судот им изрекол условна казна од 30 дена затвор со рок на проверка од една година.

Судијата донел и одлука за одземените предмети: на 32-годишникот му се враќа телефонот марка „Самсунг“, додека Русинката трајно останала без дилдото.

Судот нагласил дека одземањето на дилдото нема да ѝ биде наплатено, а двајцата се ослободени и од плаќање судски трошоци.

84-годишен изнудувач ѝ се заканил на роднина, ѝ зел 5.000 евра