Познатиот фотограф и креативен уметник Кристијан Љушев е младиот охриѓанец кој вчера го загуби животот по пад во зграда во Охрид, пренесуваат утрово охридските портали.

Како што пренесуваат „Супер радио“ и „Охрид прес“, повредениот Љушев вчера, околу 15:00 часот, бил донесен во Специјалната болница за ортопедија и трауматологија „Св. Еразмо“ во Охрид, каде биле направени обиди тој да се реанимира, но тие за жал биле неуспешни.

28-годишниот Кристијан со неговата продукција „Шпанец“ уживаше углед помеѓу колегите како вреден, талентиран и исполнителен професионалец, кој има работено на бројни проекти, документарни емисии, видео спотови и останати материјали.

Иако до овој момент нема потврдени информации за причините кои довеле до незгодата во која тој настрада. Неофицијално, младиот фотограф и снимател паднал во окно од лифт во зградата.