Бројот на инфектолози во нашата земја е мал, на клиниката работат 26 доктори инфектолози, истакна министерот за здравство Венко Филипче во емисијата „Клик-Плус“ на ТВ21.

-Седум од нив имаат над 60 години, тоа се луѓе коишто имаат и хронични болести, којшто се ослободени од дежурства, но во исто време имаат и долгогодишно искуство. Тоа се луѓе коишто се справиле со многу епидемии претходно, минатогодишната со морбилите, но и многу други. Целосно го мобилизиравме здравствениот систем, здравствените работници од сите јавноздравствени устави, а по потреба и од проватните болници. Но, сепак ваква ситуација на мобилизација и ротација на здравствените работници немало никогаш, каков што е случајот и во другите земји – рече Филипче.

Вирусот нема да исчезне, тој е тука, тоа мора да го сфатиме и да научиме да живееме со него, потенцираше министерот.

-Маските, физичката дистанца, честата дезинфекција на раце е нешто што може да ја спречи  трансмисијата на вирусот- рече Филипче