Изјавите на македонскиот премиер Христијан Мицкоски се апсолутна провокација и на истите не треба да им се обрнува внимание..

Ова го изјави лидерот на ГЕРБ, Бојко Борисов, во врска со изјавата на Мицкоски во Собранието дека не гледа причина за вклучување на Бугарите во Уставот на Северна Македонија, објави БГНЕС.

Бојко Борисов истакна дека бугарското Министерство за надворешни работи соодветно одговорило на, како што рече, провокацијата.

Мицкоски вчера изјави дека „суштинското прашање е зошто во земјава, каде има околу 700-800 Бугари, кои декларираат дека мајчин јазик им е бугарскиот, треба да бидат ставени во Устав, додека Албанија со осум илјади Бугари, според бројките од пописот, го нема тој услов“.

Бугарското МНР вчера реагираше на изјавите на Мицкоски, наведувајќи дека тие „ги поткопуваат напорите за европска интеграција“ на земјава.

Изјавите на Мицкоски ги поткопуваат напорите за европска интеграција, вели Софија