Вредноста на богатството на францускиот милијардер Бернар Арно денес е за 19 милијарди долари повисока, а причината за ова е растот на вредноста на акциите на неговата компанија LVMH за 14 проценти- објави Кликс.ба. Имено, вредноста на акциите на претходно споменатиот конгломерат на луксузни брендови, инаку котирани на Париската берза, се зголеми на 708,14 долари по акција. Американската бизнис телевизиска станица CNBC објави дека LVMH е на добар пат да ги постигне најдобрите резултати во последните 20 години кога станува збор за вредноста на своите акции.

Зголемувањето на вредноста на овие акции ја зголеми пазарната капитализација (вкупната вредност на акциите) на оваа компанија на 353 милијарди долари, што ја прави втора највредна европска компанија според пазарната капитализација. Продажбата на производите на LVMH во третиот квартал од оваа година се зголеми за еден процент, или 21,25 милијарди долари, во споредба со истиот период минатата година. Ова ги надмина очекувањата на аналитичарите за заработката на компанијата. Бернар Арно е најбогатиот Европеец и меѓу најбогатите луѓе во светот.