Бочели пееше, а милиони луѓе плачеа на кадрите од пустите градови низ светот (ФОТО+ВИДЕО)
Еден од најпознатите светски тенори, италијанскиот оперски пејач Андреа Бочели, за обожавателите на музиката, но и за целиот свет кој се бори со пандемијата на коронавирусот, направи нешто навистина величествено со својот настап вчера.
Тенорот пееше за време католичкиот Велигден и концертот во живо го пренесе на неговиот јутјуб-канал. Миланската катедрала беше празна, а во изведбата му помогна катедралниот оргулист Емануеле Вијанели.
На получасовниот концерт наречен „Музика за надеж“, гледачите можеа да ги слушнат „Ave Maria“, „Santa Maria“ и „Domine Deus“, а пред катедралата Бочели ја изведе „Amazing Grace“.
Милиони луѓе од цел свет ја следеа неговата изведба, а коментарите на социјалните мрежи никого не ставија рамнодушен. Емоции, солзи, смеа, гордост, радост се помешаа за време на концертот, кој беше направен како симбол на љубовта, заедништвото и заздравувањето за време на пандемијата.
„Срцето ме боли додека ги гледам празната катедрала и величествениот Бочели. Имам педесет години и никогаш не сум видел толку тажна, но и прекрасна слика одеднаш. Солзите не престануваат да течат. Држете се луѓе. Заедно сме посилни“ се само дел од коментарите на социјалните мрежи.
Бочели беше придружуван само од катедралниот оргулист Емануеле Вијанели и заедно изведоа дела од сакрална музика.
Погледнете го видеото: