Блокирани 101.706 сметки на компании во Босна и Херцеговина
На крајот на октомври во Босна и Херцеговина се блокирани 101.706 сметки на компании, соопшти Централната банка на Босна и Херцеговина.
Во новиот извештај за блокирани сметки во Единствениот регистар на сметки, подготвен од Централната банка на Босна и Херцеговина, наведено е дека 55.354 компании имаат најмалку една блокирана сметка.
Споредено со претходниот месечен извештај, бројот на блокирани сметки на фирми е зголемен за 299, а бројот на фирми со најмалку една блокирана сметка е зголемен за 169. За 10 години двојно се зголеми бројот на блокирани сметки.
Во новиот извештај, се наведени продавници, фризерски салони, бензински пумпи, аптеки, ординации, кафулиња и ресторани, до различни агенции, задруги и компании. Оваа листа вклучува и рудници, месни заедници, општини и спортски здруженија.