Читателите на нашето печатено издание веќе имаат прочитано за Ана Аврамова. Во текот на минатата година, во неделниот магазин за здрав живот, за прв пат се запознавме со нашата омилена веган-девојка. Ана има 29 години, доаѓа од сончевата Гевгелија, веган е веќе неколку години и за кулинарството има и диплома, а од првиот момент кога ги здогледавме слатките рецепти кои таа сама ги подготвува, веднаш и го доделивме епитетот гастро-уметник!

Преку претходниот видео-рецепт имавме можност да научиме како да направиме уште еден неодоливо вкусен и здрав вегански чизкејк со јагоди и ф’стаци. Овој петок учиме како да направиме уште еден многу брз, лесен и вкусен десерт од само неколку состојки. Како и сите претходни рецепти кои ги научивме од Ана, и овој рецепт е вегански, и најважно од се, добар за вашето здравје! Доколку постите, ви препорачуваме да се насладите со овие барови од капини, за кои ќе добиете само позитивни критики! Не заборавајте да го користите хаштагот #БезМана доколку ги приготвите рецептите, и секако, не пропуштајте ја следната епизода на Без Мана со Ана, само на Слободна ТВ, секој петок во 10 часот!