„Бев премногу дебел“: Џонсон призна дека мора да ослаби и ангажираше личен тренер
Британскиот премиер Борис Џонсон го ангажираше личниот тренер Хари Џејмисон за да ослаби, откако призна дека бил „премногу дебел“ кога се заразил со коронавирусот.
Премиерот во април беше примен во болница со Ковид-19, но вели дека од тогаш се посветил на вежбање.
Џејмисон рекол дека неговите тренинзи се грижат за умот, исто толку колку и за телото.
Се смета дека искуството на интензивна нега ги сменило ставовите на премиерот за решавање на проблемот со прекумерната тежина. Тој во јули рекол дека, иако тој не е обично личност која глуми „дадилка или шеф“, но дека Британците треба да ослабат за да се заштитат од вториот бран на вирусот.
– Губењето на килограми, искрено, е еден од начините на кој би можеле да го намалите сопствениот ризик од коронавирусот, рекол Џонсон.
На лично ниво, британскиот премиер рекол дека „сакал да ослаби со години“, додавајќи дека се борел со масни наслаги.