Белградскиот градоначалник Шапиќ сака гробот на Јосип Броз Тито да се премести во Хрватска
Градоначалникот на Белград, Александар Шапиќ, денеска изјави дека покренал иницијатива во чии рамки ќе побара преместување на гробот на некогашниот претседател на поранешна Југославија, Јосип Броз -Тито и отстранување на гробовите на четворица народни херои: Моша Пијаде, Иво Лола Рибар, Ѓуро Ѓаковиќ и Иван Милутиновиќ од тврдината „Калемегдан“.
Препорачано
„Сега ќе упатам јавно повик. Не можам да влијаам на одлуката, ниту Градот да влијае, но мислам дека отстранувањето на гробот на Јосип Броз – Тито од Белград, од Музејот на Југославија е важно за српскиот народ“, рече Шапиќ, кој е член на владејачката Напредна партија на српскиот претседател Александар Вучиќ.
Поранешниот претседател на Социјалистичка Федеративна Република Југославија Јосип Броз Тито почива во маузолеј во „Куќата на цвеќето“ во Белград, а неговиот гроб го посетуваат илјадници луѓе секоја година.
Според најавите, гробот на Тито би можел да биде преместен во хрватски Кумровец, местото каде што е роден.
