Во големото финале на турнирот во Белград, Србија, женскиот кошаркарски клуб на Баскет Кам од Македонска Каменица го победи домаќинот Раднички со 72:59.

Актуелниот македонски шампион, екипата на Баскет кам е освојувач на трофејот на женската Балканска лига.

Триумф вреден прво место на турнирот и воопшто во првото издание на ова балканско натпреварување во женска сениорска конкуренција.

Екипата од Македонска Каменица „излезе“ како победник на последниот турнир од ова ново натпреварување во кое свое учество во премиерната сезона, освен македонскиот првак, земаа екипи од Србија, Црна Гора и од Босна и Херцеговина, односно од Република Српска.

Согласно со однапред утврдениот систем за натпреварување, оваа премиерна сезона во Балканската лига беше поделена на неколку турнири, со „домаќинства“ на сите учесници.