„Barbie“ руши рекорди: Заработи 155 милиони долари, двојно повеќе од 80-те милиони на „Oppenheimer“
Новиот филм „Barbie“ донесе околу 155 милиони долари во американските и канадските кина во текот на викендот, поставувајќи рекорд за најголема заработка во 2023 година, објави вчера дистрибутерот „Ворнер Брос“ (Warner Bros).
Филмот на режисерот Кристофер Нолан „Oppenheimer“ за создавањето на атомската бомба заработи 80,5 милиони долари во кино битката наречена „Барбинхајмер“ (Barbenheimer).
Резултатите им овозможија на кината да преживеат разочарувачко лето. Продажбата на билети е пониска од минатогодишната и покрај повеќе филмови во кината.
„Barbie“, со Маргот Роби во главната улога, е поглед на режисерката Грета Гервиг за иконската кукла што дебитираше пред 60 години.
Во филмот „Oppenheimer“ Силијан Марфи го игра американскиот научник Џ. Роберт Опенхајмер, човекот кој ја разви атомската бомба. Филмот доби одлични критики и се очекува да биде претендент во претстојната трка за Оскар.