Архива од 30.000 мејлови што содржат информации за контроверзните афери на поранешниот принц Ендру Маунтбатен Виндзор му била доставена на највисокиот функционер во кралското семејство, Лорд Чемберлен, уште во 2020 година од личен деловен контакт на поранешниот принц, објавува Би-би-си.

Според документите, големата архива на електронски писма, поврзани со неговите финансиски активности веќе им била доставена на службениците на палатата, години пред да започне официјалната истрага.

Судските записи од пресудите на Високиот суд од 2021 и 2022 година покажуваат дека копија од архивата му била доставена на Лорд Чемберлен во мај 2020 година и дека е-поштите биле „доставени до Бакингемската палата“.

Неофицијален биограф на кралското семејство тврди дека поранешниот принц Ендру вербално и физички го малтретирал персоналот

Дел од преписката, како што објави Би-Би-Си, вклучува информации за зделки со финансиски институции и поврзани страни, кои подоцна беа предмет на регулаторни и судски постапки.

Е-поштата беше споделена неколку пати помеѓу различни актери во правни спорови, а дел од нивната содржина стигна до медиумите.

Бакингемската палата објави дека, со оглед на тоа што истрагата е во тек, не може да коментира за ракувањето со документите, објавува Би-Би-Си.

Поранешниот принц Ендру Маунтбатен од Виндзор негираше какви било злоупотреби и наводи за лична корист при вршење на јавни должности.