Во тешка сообраќајна несреќа која се случила на булеварот „Кузман Јосифовски – Питу“ во Скопје, во близина на Железничката станица, автомобил се превртел на покривот, при што двајца луѓе се повредени, од кои едниот има тешки повреди, соопшти МВР.

„Денеска (14.06) во 03:00 часот во СВР Скопје e пријавено дека на булеварот „Кузман Јосифовски Питу“ во Скопје, Г.М. (54) од Скопје управувајќи патничко возило „Мазда“ изгубил контрола над возилото кое излетало надвор од патот, при што се превртело. Во несреќата Г.М. се здобил со тешки телесни повреди додек неговиот сопатник М.М (43) се здобил со телесни повреди, констатирани во Ургентен центар при Комплекс клиники „Мајка Тереза“ во Скопје. Извршен е увид од увидна екипа од СВР Скопје“, пишува во полициското соопштение.