Австрија од 4 јуни воведува „зелени пасоши”
Австрија планира да ги воведе таканаречените „зелени пасоши” (европски сертификат за имунизирани, тестирани и излекувани од ковид-19) во електронска форма од 4 јуни, јави ДПА.
Пасошите ќе бидат генерирани со QR-код, кој ќе биде поставен на мобилните телефони, изјави денеска во Виена министерката за туризам Елизабет Костингер.
Од 19 мај, сертификати за вакцинација, тестови и оздравени по ковид-19 ќе важат во Австрија како дозволи за прием во угостителски, културни, спортски и хотели. Планирано е земјата повторно да се отвори на овој датум.
– Ова е од витално значење за нас како туристичка земја по долг период на затворање, рече Костингер.
На ниво на Европската унија, „зелениот пасош” се очекува да биде воведен кон крајот на јуни, според ДПА.