Жена во Австралија е обвинета за кражба на комбе за испорака спакувано со 10.000 крофни од познатиот бренд Криспи Крим, пренесува Би-Би-Си.

Комбето исчезна од бензинска пумпа во предградие на Сиднеј во раните утрински часови на 29 ноември. Полицијата го нашла возилото напуштено една недела подоцна – заедно со илјадници расипани крофни, на паркинг.

Тие ја уапсија жената (28) во четвртокот. На неа и беше одбиена кауција и се соочува со обвиненија, вклучувајќи кражба на возило.

Снимката од безбедносните камери од инцидентот, наводно, покажуваат како жената се движи околу бензинската околу 04:00 часот по локално време пред да влезе во комбето за испорака без надзор и да замине.

Не е јасно дали знаела дека во комбето имало 10.000 крофни. Криспи Крим го пријави инцидентот во полиција и тогаш ги увери клиентите дека „работи на замена на 10.000 украдени крофни“.