Првиот светски рекет имаше тежок меч во второто коло на тенискиот грен слем турнир во Мелбурн, во дури пет сета со 3:2 (6:3, 6:7, 7:6, 7:2, 6:3 го совлада Американецот Френсис Тиафо.

После рутинскиот старт овојпат Новак Ѓоковиќ налета на неочекувани проблеми, во дуел кој траеше повеќе од три и пол часа, потроши доста енергија против 64 играч на светот, но на крајот не дозволи изненадување.

Во наредното трето коло српскиот ас ќе ги одмери силите против уште еден натпреварувач од САД, Фриц кој пак со 3:2 го совлада сонародникот Опелка.

Доминик Тим (трет носител) со 3:0 во сетови 6:4, 6:0 и 6:2 немаше проблеми со Кепфер, додека Вавринка доживеа елиминација на дуелот против Фучович кој триумфираше со 3:2. Успешни беа уште Лајовиќ, Шаповалов, Раониќ, Шварцман, Ожер-Алијасим, Мартинез и Каратсев.

Во женска конкуренција настапот го заврши и Квитова која со 2:1 (6:4, 1:6, 6:1) беше поразена од Кирстеа. Мугуруза со 6:3 и 6:1 ја совлада Самсонова, а С. Вилијамс со 6:3 и 6:0 забележа победа против српската натпреварувачка Стојановиќ.

Победи забележаа уште Вондрушова, Ли, Потапова, Сабаленка, Хсије, Дијас, Феро, Жабер, Кудерметова, додека Ерани успеа да ја елиминира Венус Вилијамс препуштајќи ѝ само еден гем.