Интересна е реториката на ДУИ. Се гледа едно ретерирање на ставовите, ја спуштија топката на земја и како да ги канат СДСМ и БЕСА да формираат Влада. Но гледаме во изминативе неколку денови голем број на шпекулации каде што се наговестува премин на пратеници од Коалицијата на ВМРО-ДПМНЕ. Дали е ова со цел позиционирање на СДСМ за создавање на влада со Алтернатива и Алијанса на Албанците ќе видиме.

-Преговорите како што напомена Заев ќе се интензивираат по Илинден и тогаш сметам дека нештата ќе бидат појасни. Немаат логика изјавите на лидерот на ВМРО-ДПМНЕ и на Левица – доколку сметате дека изборите не биле фер тогаш не треба да ги прифатите мандатите. Мицкоски сметам дека пробува да го подигнува куражот кај гласачкото тело, кај членството со тоа што говори дека се уште се партија кој преговара да формира влада- изјави во „Утрински брифинг“ на „Слободна Тв“ политикологот и историчар, Благојче Атанасоски.

Комбинаториката они да формираат влада е многу сложена. Мицкоски цело време говори дека преговараат но не кажува со кого, вели Атанасовски и додава дека доколку ВМРО-ДПМНЕ сака да формира Влада ќе треба да го смени сопствениот политички став околу Преспанскиот договор и Договорот за добрососедство со Бугарија како предуслов за коалиција со албанските политички партии.

-Јас неколку пати напоменав дека ДУИ за прв пат се соочи со реален политички противник во албанскиот политички блок. Ова во минатото не беше случај. Затоа во наредниот период и ако останат владејачка партија тие ќе бидат во постојан притисок од Алијансата на Албанците и Алтернатива, смета политичкиот аналитичар Благојче Атанасоски.

Целиот разговор со Атанасоски погледнете го во видеото