Нашите предци дури и пред 8.000 години на ова поднебје јаделе манџа. Еден од најредовните оброци во тоа време била леќата, но јаделе и многу житарки. За да не си замислувате како изгледале нивните чинии од кои сркале и лажиците со кои јаделе, тука сме ние да ви го доближиме тој свет од минатото.

Во втората епизода на „АРТеФАКТИ“, Александра Вуксановиќ ве носи во неолитот или новото камено време. Станува збор за најзначајната и по својот карактер најреволуционерна етапа од културно-историскиот развиток на човештвото.

– Производството на керамиката/грнчаријата, е најкарактеристичниот продукт на новото камено време. Како посебна форма меѓу керамичките садови, најчесто уптребувани во тоа време, се издвојуваат садовите кои во археологијата се познати како аскоси. Специфични се по својот облик и петте дупки што ги имаат. Служеле како ранец за пренесување на пченица, пченка, вода – вели м-р Елена Стојанова Канзурова, кустос-советник во Археолошкиот музеј.

Погледнете го видеото на јутјуб-каналот на „Слободен печат“. Водител и автор на „АРТеФАКТИ“ е Александра Вуксановиќ.