Шефот на полицијата на североисточниот кинески индустриски центар Шенјанг се наоѓа под истрага, по наредба на Комунистичката партија, откако претседателот Си Џинпинг ја започна кампањата за чистење на земјата од корупција и на мета се високи функционери во Кина, пренесува АП. 

Органот за антикорупција наведува дека Јанг Џијанџун, кој воедно е и потпретседател на градското собрание, е суспендиран поради бројни сериозни законски и дисциплински прекршоци. 

Шенјанг, градот во кој живеат околу девет милиони луѓе, веќе долго време е главниот центар за тешката индустрија, но како и во голем дел од североисточна Кина, регионот почнал да паѓа економски, бидејќи југоисточните градови како Шангај се развиваат во финансиски и високо технолошки градови.