Анчелоти за Бензема: Во саботата нормално тренираше, а во неделата кажа дека заминува
Тренерот на фудбалерите на Реал Мадрид, Карло Анчелоти призна дека бил изненаден од одлуката на Бензема да го напушти Реал Мадрид.
Реал Мадрид во текот на вчерашниот ден потврди дека францускиот голгетер заминува, а негов нов клуб ќе биде Ал-Итихад од Саудиска Арабија каде што за двегодишен договор ќе добие 400 милиони евра.
Бензема беше стрелец во неговиот последен натпревар за Реал Мадрид, додека Анчелоти откри дека одлуката на напаѓачот била изненадувачка.
„Изненаден сум…Беше тоа се во последен момент. Во сабоатата нормално тренираше, а во неделата кажа дека заминува. Не можеме да бидеме среќни, но мораме да ја почитуваме неговата одлука. Со Реал оствари неверојатни и незаборавни работи“, истакна Анчелоти.
Бензема во Реал Мадрид пристигна во 2009 година од Лион за 35 милиони евра и со овој клуб освои 25 трофеи.