Бразилскиот репрезентативец Витор Реис добил повик за националниот тим од селекторот Карло Анчелоти, но начинот на кој му бил соопштен предизвикал вистинско изненадување.

Дефанзивецот на Манчестер сити, кој во моментов настапува како позајмен фудбалер во Жирона, бил повикан за пријателскиот дуел против Хрватска, и тоа во необичен термин, околу три часот по полноќ, додека се наоѓал дома во Шпанија.

Веста го затекнала неподготвен, со оглед на тоа што ниту тој, ниту луѓето околу него очекувале ваков повик во овој период. Реис добил шанса по поразот на Бразил од Франција (2-1) во контролниот меч одигран во Бостон.

По кратка прослава со сопругата, младиот дефанзивец стапил во контакт со семејството и соиграчите, а потоа експресно заминал за Соединетите Американски Држави, каде што се очекува да го запише својот деби настап за националниот дрес.