Њујорчанката Мишер Фокс (31) пронашла дијамант од 2,3 карати во државниот парк „Кратер на дијаманти“ во државата Арканзас, по што го искористила како веренички прстен, објави Службата за државни паркови на Арканзас.

Фокс, од Менхетен, поминала неколку недели во јули барајќи скапоцени камења во единствениот јавен рудник за дијаманти во светот, а среќата ѝ се насмевнала на последниот ден од нејзиниот престој, пишува „Гардијан“.

„Никогаш порано не држев вистински дијамант во рацете, па не бев сигурна, но тоа беше дијамантот што најмногу личеше на дијамант што некогаш сум го видела“, рекла Фокс.

American woman Michelle Fox has found the perfect diamond for her wedding.

She discovered a 2.3-carat diamond in Crater of Diamonds State Park in Arkansas after searching for an engagement ring stone for more than two years.

Michelle’s partner even agreed to delay his proposal… pic.twitter.com/maF9Ilt17H

— NEXTA (@nexta_tv) August 12, 2025

Според властите, дијамантот што го пронашла е трет по големина од вкупно 366 откриени во паркот оваа година.

Паркот „Кратер на дијаманти“, кој опфаќа 37 хектари еродиран вулкански кратер во близина на градот Мерфисборо, е уникатен во светот бидејќи е отворен за јавноста, а посетителите можат да задржат која било карпа или минерал што ќе ја најдат.

Дозволено е да користите сопствени алатки за копање, но не и електрични или моторизирани уреди. Од 1906 година, кога таму беа откриени првите дијаманти, пронајдени се повеќе од 75.000 парчиња.

Најголемиот досега ископан е од 40,23 карати и е познат како „чичко Сем“.