Американец паднал во кратерот на вулканот Везув правејќи селфи
Американски турист се здобил со полесни повреди откако паднал во кратерот на активниот вулкан Везув, пишува „Гардијан“.
23-годишниот Американец и неговото семејство се искачиле на врвот на вулканот, кој се наоѓа во близина на Неапол.
Момчето се обидело да се фотографира, но одеднаш телефонот му се лизнал од раката и паднал во кратерот. Тој потоа решил да си го земе телефонот, по што се лизнал и паднал неколку метри во внатрешноста на кратерот.
Неколкумина од туристичките водичи веднаш се јавиле во полиција, а бил испратен и спасувачки хеликоптер, со кој било извадено момчето.
Младиот Американец има неколку модринки и гребнатини на раката и грбот.
Семејството сега се соочува со казни од полицијата, бидејќи стапнале на територија забранета за посетители. Тие наводно влегле на турата без карти и се движеле по недозволена патека, која била забранета поради голема опасност.
Вулканот Везув, кој ги уништил римските градови Помпеја и Херкуланеум кога еруптирал пред речиси 2.000 години., се смета за еден од најопасните вулкани во светот.
Најопасните селфи локации во светот: 300 луѓе ги загубија животите на овие места