САД очекуваат во рок од две или три недели да добијат информации за тоа колку се ефикасни достапните вакцини против новиот сој на коронавирусот наречен „омикрон“.

Ова денеска го изјави за Си-Ен-Ен Френсис Колинс, шеф на Американските национални институти за здравство. Тие се дел од Министерството за здравство и човечки услуги во земјата.

– Загрижени сме дека, во најлош случај, вирусот може да биде толку различен, што вакцините нема да обезбедат заштита од него. Овој аспект мора да се тестира што е можно поскоро. Врз основа на она што се случува во Јужноафриканската Република, каде се вакцинирани околу 37 отсто од населението, по 2-3 недели треба да добиеме информација колку е поефикасна нивната заштита од онаа на невакцинираните, рече тој.