Американските власти привремено го запираат издавањето имигрантски визи за државјаните на 75 земји, меѓу кои е и Македонија.

Стејт департментот соопшти дека издавањето на иселеничките визи за овие држави ќе биде запрено почнувајќи од 21 јануари, како дел од пошироката ревизија на процедурите поврзани со проценката на тоа дали апликантите би можеле да станат товар на американскиот систем на државна помош, јави „Ројтерс“.

Другите типови, како туристичките или бизнис-визите, не се засегнати од одлуката и ќе продолжат да се издаваат.

Мерката е наведена во интерен документ од Стејт департментот до конзуларните оддели, а според извештаите, паузата ќе важи на неопределено време, сè додека не заврши преоценката на начинот на проверка и одлучување. Исклучоците, според истите наводи, би биле „многу ограничени“. Американското министерство за внатрешни работи потоа ова го објави и на „Икс“.

The State Department will pause immigrant visa processing from 75 countries whose migrants take welfare from the American people at unacceptable rates. The freeze will remain active until the U.S. can ensure that new immigrants will not extract wealth from the American people.

— Department of State (@StateDept) January 14, 2026

Во објавениот список на засегнати земји е вклучена и, како што пишува, „Македонија“ (Macedonia), заедно со десетици држави од Европа, Азија, Африка и Латинска Америка. Mеѓу нив се и некои големи држави, како: Русија, Иран, Авганистан, Бразил, Нигерија и други.

Засега нема детално појаснување за тоа како паузата ќе се одрази на различните категории визи и на веќе започнатите постапки, но се очекува дополнителни насоки да бидат соопштени преку дипломатско-конзуларните претставништва и официјалните канали на Стејт департментот.

Муцунски и Агелер се збогуваа